🏳️ *पंथी गीत - "सत् के पुजारी"*

🏳️ *पंथी गीत - "सत् के पुजारी"* 🏳️

साखी... 

"हाथ जोड़ तोला बंदंव बाबा, 

        झोंकव मोर परनाम हे |

  सत् के तैंहा पुजारी कहाए, 

         जग भर बगरे नाम हे ||"

  "जग भर बगरे नाम हो गुरु, 

         पूजय तोला संसार हे |

  तोर आशीष ल पाके हो बाबा, 

  गावँव तोर महिमा अपार हे ||"

  जय हो जय हो गुरु बाबा, 

  तोर महिमा के गावँव  गाथा | 2

 जग भर तोरे शोर उड़त हे.... 2

 चरन नवावँव माथा, 

 तोर महिमा के गावँव गाथा ||

 जय हो जय हो गुरु बाबा....... 

1. सन् 1756 मा तैं, 

       जनम लेके आए बाबा ... |4

    18 दिसम्बर गिरौदपुरी मा तैं जन्मे बाबा, 

      गिरौदपुरी आए हो ||....    2

      छत्तीसगढ़ मा तैंहा ग आए...2

   महंँगु-अमरौतिन बने पिता - माता |

   तोर महिमा के गावँव गाथा... 

   जय हो जय हो गुरु बाबा.... 

2. जप-तप करके बाबा , 

         शिक्षा-दिक्षा पाए हो... | 4

     सतनाम पंथ के तैं, 

          संस्थापक कहाए गुरु || 4

   "सत् के पुजारी" तैंहा कहाए..2

    मनखे मनखे ले तोर नाता... 

    तोर महिमा के गावँव गाथा... 

    जय हो जय हो गुरु बाबा.... 

3. जाति-पाति, छुआछूत के, 

               भेद ल मिटाए गुरु | 4

     सत् के रद्दा मा गुरु ,

             सबला चलाए बाबा ||4

   छाता पहाड़ मा धुनी रमाए..2

   जैतखाम के झण्डा करे सादा... 

     तोर महिमा के गावँव गाथा... 

    जय हो जय हो गुरु बाबा, 

    तोर महिमा के गावँव गाथा.

   जग भर तोरे शोर उड़त हे... 2

   चरन नवावँव माथा... 

  तोर महिमा के गावँव गाथा...... 

*दिलीप टिकरिहा "छत्तीसगढ़िया"*

*पिरदा (भिंभौरी),बेरला-बेमेतरा*

*9753304788,6263337664*

🌹🌹💝💝🏳️🏳️🌸🌺🌻🏵️🙏

Previous article

Next Post

Next article

Previous Post