🙏🕉️🪔 जिनगी 🪔🕉️🙏

 🙏🕉️🪔 जिनगी 🪔🕉️🙏

1.जिनगी सुख मा तैं पहा, लेके जी हरि नाम |

आनी-जानी हे विपत, करत रहव शुभ काम ||

2. सुम्मत के रद्दा चलव, माया मोह बिसार |

पाप करम तैं छोड़ के, दुरमत ले मन टार ||

3. खाली हाथ पसार के, आए तैं संसार |

मुट्ठी बाँधे तैं ह जी, जाबे यम के द्वार ||

4. चोला माटी के हवय, जिनगी हे अनमोल |

छिन छिन उम्मर तोर जी, कटय ग हरि हरि बोल ||

5. बीच भंँवर मा हे फँसे, डोंगा जी मझधार |

सुमिरन करके राम के, हो जा भव ले पार ||

दिलीप टिकरिहा "छत्तीसगढ़िया"

🪔🪔🕉️🕉️🌹🌹💝💝👏👏

Previous article

Next Post

Next article

Previous Post